Vika 2...

vá mér finnst ég vera búinn að vera hérna í ár....ég er búinn að gera svo mikið..

í dag er 26°c hiti og ég er að deyja drottni mínum úr svita...samkvæmt yahoo þá er 26°c stiga hiti og glampandi sól, 51% raki...enda þorna fötin mans á 3 dögum... maður verður allur klístraður og þvældur. Reindar er búið að vera skýjað og kannski svona 15°c en ekki mikil sól, þannig að ég og kríuskítslitaði líkaminn minn verðum bara að sætta okkur við það!!!
Síðasta laugardag flutti ég frá Skals til Viborg, inn til Þóru&Benna, þau eru komin með ótrúlega flotta íbúð...tekur bara 10 min að labba á rútuplatzið eins og ég kalla það (bein þýðing af danska orðinu "rutupladsen")... búðin bara á horninu, leikskólinn hans Benna bara í næsta húsi og allt frekar þægilegt.
Í vikunni fékk ég svo að kíkja á mína íbúð sem er 45fm2 ... hún er ótrúlega björt og fín...en ég held að ég eigi eftir að afhausa Jóa í svona lítilli íbúð... þannig að ég er að leita af annarri sem er stærri og ég held að ég sé búinn að finna hana. :) Hún er 65fm2 og 3 herbergja...vona að ég fái hana núna 1. sept... hún er reyndar ekki í miðbænum en kostar því það sama og litla íbúðin. Þarf að fara á mánudaginn og ath hvort að ég geti ekki skrifað undir leigusamning...

Það er ótrúlega gaman í skólanum og broderi-verkefnin hrannast upp og ég hef ekki undan við að sauma...reyndar get ég ekki saumað eins mikið og ég vil því að það vanntar öll ljós í íbúðina hennar Þóru, þannig að við erum bara með kertaljós og kósý stemmingu framm eftir kvöldi.
Þetta tekur ekkert smá mikið á að hlusta á dönsku allan daginn...að vera einbeittur allan tíman og reyna að hugsa hvað maður á að segja á dönsku...og svo að þurfa að stússast hitt og þetta, eins og að fá kt: 290979-3184, finna íbúð, versla í matinn, finna aldi (bónus búð) taka strætó, brodera, borða o.s.frv.
ég vakna vanalega um 6:30 og tek strætó kl:7:45 og er svo farinn að sofa milli 10 og 11.

Svo kemur elsku ástin mín á morgunn og verður í 10 daga... Vei vei... hann verður gerður að rafvirkja hið fyrsta svo að broderi frammleiðslan geti haldið áfram!!!
Það er svo gott að finna hvað maður elskar kærastan sinn mikið, langar svo oft að hann upplifi líka allt þetta nýja og skemmtilega sem ég er að ganga í gegnum, eins og t.d að finna íbúð, leita af húsgögnum, ruglast í dönskunni, finna út hvernig þetta allt virkar og þannig...en ég Þóra leiðum hvor aðra í gegnum þetta saman!!

HAHAHA!!! verð að segja ykkur klaufa sögu af mér... sko ég á að finna mér stól fyrir broderi, og verkefnið semsagt gengur út á það að maður eigi að brodera í stólinn...sessuna,bakið eða eitthvað ...allavega þá fann ég lítinn fótskemil sem mér fannst alveg tilvalið að brodera í, hann er eins og ruggustóll þannig að það var svoldið erfitt að halda á honum, en eftir að ég var búinn að kaupa hann gékk ég með hann undir hendinni alla göngugötuna sem er nú ekki frásögufærandi nema hvað að ég var í skærbleikum brjósthaldara og mjög teygjanlegum hlýrabol... mér fannst allir vera að glápa á mig og brosa soldið þegar að það mætti mér og brosti ég nú bara til baka "voðalega eru danir almennilegir og brosmildir"...svo fatta ég (einmitt eftir að hlýrabolurinn er farinn að skerast í öxlina á mér) að hann er kominn fyrir neðan brjósthaldarann!!!! ég bara búinn að ganga um bæinn með brjósthaldarann út í loftið og hlýrabolinn á maganum!!!! og með nýja fallega broderistolinn minn :)

Annars er bara allt gott að frétta...ætla að láta þetta vera nóg í bili, bið bara að heilsa og takk fyrir að commenta!!!
sakna ykkar

luv Kata

ég er í ekta saumaklúbb...

...nema hvað að ég skil ekki nema 1/4 af því sem sagt er...hehe

já fyrsti skóladagurinn er kominn og farinn... var mjög strembinn þar sem að kennararnir töluðu og töluðu um hvað í vændum verður... ég var nú ekki alveg að skilja allt sem talað var um, en þar sem að við erum alveg 7 íslenskar í skólanum og nokkrar búnar að búa hérna í þó nokkurn tíma þá fær maður svona smjörþefinn af því hvað er að gerast...annars er munur á því hvað ég skil mikið eftir því hver er að tala.
Núna bý ég í Skals håndarbejdsskolen, er þar í 1 í 2manna herbergi, reyndar er ég ekki ein því að frú köngurlóarmamma með ungana sína 20 býr í horninu á herberginu. Er með fallegt útsýni yfir kornakur og svo heyrir maður í beljunum ef að glugginn er opinn sem hann er nú oftast því að það er svo heitt. reyndar ekki mikil sól, ringdi allan daginn í gær...ég vakna svo til að fara í morgunn mat kl 7:50 og á að vera mætt í minn skóla sem heitir Skals textilseminariet kl:8:20 því að þá er samverustund, sungin nokkur vel valin lög og svo er sagt hvað er að gerast á næstunni. Svo byrjar kennsla kl.8:30 og er til 12, svo aftur kennsla kl 12:45 til 14:30, nema þegar að ég er í bóklegafaginu (uppeldisfræði/kennslufræði). já ég er bara í einu fagi á dag t.d var ég bara í broderi (útsaum) í dag og fannst mér það ekkert smá skemmtilegt, svo á morgunn er vefnaður.. er að fara að vefa í huges vefstól!!!!! :) og á að brodera sessu á stól sem ég þarf að kaupa í gen´brugsen (held að maður segi þetta svona) í október... allt að gerast sko!!!
þetta er með því skemmtilegasta sem ég hef gert á ævinni þ.e að vera í skólanum...
jæja má ekki vera að þessu...er að verða of sein í broderi saumaklúbbinn sem er núna milli 7 og 9... OMG!!!! þetta er svo gaman!!!!
ok bæ

Komin til Danmerkur!!!

Já nú er maður bara komin til Danmerkur!!! :) Loksins loksins...

Fór með dótið mitt á skip á miðvikudaginn, það var ekkert smá gott þegar að það var búið að ganga frá því...kostaði ekki nema 8000kr og það verður flutt alveg heim að dyrum í Viborg. Svo sótti ég Helgu Rún systur mína á fimmtudeginum og vorum við að stússast eitthvað saman allan daginn. Svo var "síðasta máltíðin" heima hjá mömmu&pabba. Amma&afi, Þorsteinn og pabbi&Þura komu...ohh hvað ég þoli ekki kveðjustundir.... Kvaddi svo Hafdísi og Ingu, pakkaði svo niður í töskuna restina af dótinu til að vera tilbúinn daginn eftir. Knúsaði svo Jóa minn í köku...svaf svo bara í 2 tíma, það var frekar erfitt að vakna, en það hafðist. Jói skutlaði mér svo út á völl... Elsku hjartans Jói minn!!! næst þegar að ég flyt til útlanda ætla ég ekki að fara ein fyrst... meika ekki að kveðja elskuna mína aftur, samt er svo stutt í að við munum hittast aftur...allvega eins og planið er núna. Hann kemur vonandi eftir 2-3 vikur og verður í 2 vikur og fer svo aftur :( og verður þá á Íslandi í 2 mánuði og kemur svo alfarið til mín aftur. Vúhú!! Mikið hlakkar mig nú til að hitta hann...hehe bara búinn að vera í burtu í 1 dag og er strax farinn að sakna hans!!
Var kominn út á völl um 5:30, hitti Hrafnhildi, Þóru og Benna son hennar. Fór í loftið kl: 7:30 og var lennt 13:00 (að dönskum tíma), var svo komin í lestina 13:45 og til Århus um 17:00. Anna María kom og sótti okkur..altso mig og Hrafnhildi. Komum okkur fyrir heima hjá þeim og ég var alveg búinn eftir ferðalagið og var því sofnuð um 10:30.
Svaf eins og steinn og vaknaði ekki fyrr en um 11. Fórum svo á "strikið" í Århus og hvað haldið þið....Katrín Ósk keypti sér regnhlíf!!!!! com´on mér finnst þær mega halló... en þegar að það rignir eins og helt sé úr fötu á 5 min fresti þá er nú kannski gott að eiga eina paraply (regnhlíf) ...hehe... sko danskan alveg að koma...hehe... Ég og Hrafnhildur eigum mjög margt sameiginlegt...allavega segjum við mjög oft : JÁ ÉG LÍKA!!!! sem er mjög gott. Fórum svo eftir að hafa kíkt í H&M og skoðað allt og grátið svo í öxlinni á hvor annari yfir því að eiga ekki pening á "hardrockwanabe" stað og fengum okkur dýrindis pitzzu. Fórum svo heim og fengum okkur beutyblund í 2 tíma..hehe...vöknuðum svo mátulega í kvöldmat. Anna María og Hörður eru búinn að gera þvílíkt grín að okkur, að nú verði þau að leggja okkur inn á elliheimilið..hehe...bíðiði bara....partý púkanum var pakkað niður með dótinu sem fór á skipið og verður mættur eftir nokkrar vikur....
Svo er planið á morgunn að fara til Viborg og koma okkur fyrir, mæta svo ferskar í skólan á Mánudeginum og verða bestar!!!

jæja fleira er ekki í fréttum, næst verða fréttir fluttar á dönsku!!! Verið þið sæl.